Dorrit Moussaieff greindi frá því á Instagram síðu sinni í gær að hún væri nú búin að ganga frá því að Sámur, hundur hennar og Ólafs Ragnars, yrði klónaður. Hún segist hlakka til þess að fá klónið í hendurnar.

„Ég hef grátið mikið vegna þess að hann er farinn. Ég hlakka til klónsins hans. Ég brosi því hann lifði og ég bið fyrir því að hann komi aftur í öðru formi. Hjartað mitt er tómt því að Sámur er farinn, ég get ekki snert hann. Hjartað mitt er fullt vegna klónsins,“ skrifar Dorrit á Instagram.

Sjá einnig: Hundaklónun Ólafs og Dorritar kostar um sex milljónir króna: „Ekki víst að þetta heppnist“

Athygli vakti þegar Ólafur Ragnar greindi frá því í útvarpsviðtali á Rás 2 á síðasta ári að Dorrit hyggðist klóna Sám.

„Ég veit nú ekki hvort ég á að segja frá því hérna af því að ég hef nú ekki spurt um leyfi frá Dorrit til að segja frá því þannig að þið látið það ekki fara lengra. Sámur er orðinn nokkuð gamall, hann er orðinn 11 ára þannig að Dorrit ákvað að láta klóna hann. Það eru sem sagt tvö fyrirtæki í heiminum sem klóna hunda. Annað er í Texas og hitt er í Suður-Kóreu og það er semsagt búið að því,“ sagði Ólafur í samtali við Rás 2.

Dorrit segir í Instagram færslu sinni að nú sé hún búin að gera þær ráðstafanir sem séu nauðsynlegar svo að hægt sé að klóna Sám.

„Ég get ekki beðið eftir að Sámssonur fæðist,“ skrifar hún.

Fyrri undanúrslit í Söngvakeppninni 2019 fara fram í Háskólabíói í kvöld þar sem fyrstu fimm lögin í keppninni í ár verða flutt. Tvö lög fara áfram í úrslitakeppnina en áhorfendur velja hvaða lög fara áfram með símakosningu.

Eitt af þeim lögum sem hefur vakið hvað mesta athygli í ár er lagið Hatið mun sigra með Hatara. Viðbrögðin við laginu hafa verið góð og eru margir sem ganga svo langt að segja að Ísland hafi aldrei áður átt jafn sigurstranglegt framlag.

Í nýrri auglýsingu Kjörís má sjá ömmu og afa sem virðast miklir aðdáendur Hatara.. og að sjálfsögðu íssins. Gamla fólkið hefur boðið barnabarni sínu og maka til sín að horfa á Söngvakeppnina en klæðnaður þeirra bíður upp á lítið annað en vandræðalega kvöldstund.

Hér að neðan má sjá þessar stórskemmtilegu auglýsingar Kjörís.

Jóhanns Sigmarssonar þríleikurinn er kláraður í þætti vikunnar af Bíó Tvíó. Andrea og Steindór horfðu á Óskabörn þjóðarinnar frá 2000, sem eins og Veggfóður og Ein stór fjölskylda rannsakar karlmennsku með raunsæi og melódrama. En hvernig er best að vaska upp? Hvað er í lagi að par sé lengi hvort frá öðru? Og hver er óska-Björn þjóðarinnar? Allt þetta og Don Cano gallar í Bíó Tvíó vikunnar!

Facebook síðu Bíó Tvíó má finna hér!

Alvarpið er einnig að finna á iTunes store!

Á dögunum sendi viðskiptavinur Sjóvá útibúi fyrirtækisins á Akureyri skemmtilega fyrirspurn sem innihélt þá afar sérstöku kvöð að fá svar í bundnu máli.

„Sumum viðskipta­vina okkar finnst best að hringja og ræða sín mál við ráðgjafa í síma. Aðrir vilja koma í höfuðstöðvarnar eða útibú og ræða sínar trygg­ingar beint. Með tækni­fram­förum fjölgar síðan þeim sem vilja fá tilboð í tölvu­pósti og skrifa undir með ra­f­rænum skil­ríkjum. Og hjá fyr­ir­tæki eins og Sjóvá er að sjálf­sögðu orðið við þeirri beiðni.“

Þjónustufulltrúi Sjóvá svaraði viðskiptavininum og úr urðu stórskemmtileg samskipti sem má sjá hér að neðan. Nafni viðskiptavinsins hefur þó verið breytt.

Svona hljóðaði fyrsti póstur frá viðskiptavini:

Kærar kveðjur sendi ég til Sjóvá
Sem tryggir mig af gömlum vana ennþá
En spurningin sem einhver þarf að svara 
Er Biggi Shark* að njóta bestu kjara?

Svar óskast í bundnu máli.

Freydís svarar:

Sæll og blessaður Biggi Shark
þetta er nú skemmtilegt hark
ný iðgjöld reiknast eftir miðjan Jan
ég skoða þetta þá og vel ég man 

Í tölvupósti frá mér færðu
uppfærð gjöld og vonandi nærðu
helgarinnar vel að njóta
og jólunum upp skjóta

Viðskiptavinurinn svarar:

Sæl Freydís.
Þakka fyrir póst og ljóð
Leika við mig fljóðin rjóð
Í hjarta mínu kviknar glóð
Þótt kominn sé á ellislóð

Hugsaðu þér ef öll sam­skipti við fyr­ir­tæki og op­in­bera aðila yrðu að vera í bundnu máli.

Þá væri nú al­deilis gaman að lifa.

Bestu kveðjur.

Freydís svarar:

Sæll Biggi og góðan daginn
Vonandi gengur þér allt í haginn
Nýtt yfirlit ég sendi nú þér
Kjörin yfirfarin vel af mér
Þú ert að njóta okkar bestu kjara
Því við viljum ekki sjá þig fara
Tjónlaus ertu og áfram óbreytt
Í mars færðu þá endurgreitt
Ýmiss fríðindi fylgja Stofni
Þó að sú þekking með tímanum dofni
Takk fyrir áskorun í bundnu máli
Ég hafði gaman af þessu rjáli

Viðskiptavinur svarar:

Kæra Freydís.
Mikið vil ég þakka þér
Fyrir það að sinna mér
Þú hefur bæði kjark og þor
Til þess að yrkja vísnaspor
Heyrumst aftur eftir ár
Ef ég verð ekki óvarkár
Ég skal reyna að standa mig
Og þú ert alveg dásamleg

Kærar kveðjur,
Biggi Shark

Baldvin Rúnarsson var 19 ára gamall, að hefja nám á fjórða ári við Menntaskólann á Akureyri, þegar að hann greindist með stórt heilaæxli. Hann hefur tekist á við sín veikindi af miklu æðruleysi og þótt brekkurnar hafi verið margar og brattar þá fer hann þær að því er virðist með jákvæðni og bjartsýni í farteskinu, vel studdur af fjölskyldu og vinum. Í dag er hann 25 ára og starfar sem knattspyrnuþjálfari hjá Þór á Akureyri. Í fyrsta þætti af Ungt fólk og krabbamein á N4 sagði Baldvin sögu sína.

Baldvin fór í fyrstu skurðaðgerðina rétt fyrir jólin 2013. Hann útskrifaðist síðan sem stúdent vorið 2014, spilaði fótbolta með Magna á Grenivík þá um sumarið og hélt svo út á vit ævintýranna. „Auðvitað er þetta hraðahindrun á manni, ég var þarna búinn að fá inn í skóla á fótboltastyrk í Alabama, Bandaríkjunum. Planið var því bara að ná sér góðum og fara síðan út,“ sagði Baldvin en veikindin áttu eftir að hafa sitt að segja um þau plön.

Baldvin náði einni önn úti í Alabama en í jólafríinu kom í ljós að hann þurfti að fara í aðgerð sem gerði það að verkum að hann neyddist til að hætta í skólanum og flytja aftur heim.

„Mér fannst þetta hundleiðinlegt. Ég var með besta vini mínum úti í náminu og fannst leiðinlegast að þurfa að skilja hann eftir, því ég vildi auðvitað að hann myndi halda áfram. Það var samt ekki nein brjáluð fýla í mér. Ég var bara að flytja heim aftur á Akureyri og gera það sem læknarnir sögðu mér að gera.“

„Maður getur ekki verið undirbúinn fyrir svona. Þó að maður hafi kannski lent áður í einhverjum áföllum. Þá getur maður ekki vitað hvað 19 ára einstaklingur gerir þegar að hann fær svona fréttir. Ég spáði í raun aldrei í þessu, þetta gerðist bara og er bara svona,“ sagði Baldvin sem hefur þrisvar sinnum lagst á skurðarborðið og undirgengist heilaaðgerð. „Það breyttist allt eftir að það var búið að fikta eitthvað í hausnum á manni. Ég hélt alveg áfram að sprikla en ég fann það strax eftir þetta að ég gat ekkert í fótbolta lengur.“

Baldvin segist hafa upplifað það að foreldrum hans hafi liðið verr en honum og að hann hugsi að það sé mjög erfitt að eiga barn í þessari stöðu. Sjálfur hafi hann aldrei fundið fyrir kvíða fyrir aðgerðirnar.

„Ég myndi segja að ég væri heppinn, hvernig ég tók þessu. Ég er þakklátur og stoltur. Ég hef held ég aldrei sagt það áður, en ég er í raun rosalega stoltur af sjálfum mér.“

Ítarlegt viðtal við Baldvin má sjá í heild sinni í spilaranum hér að neðan.

Hér er á ferðinni sjúklega gott og nokkuð hollt (má skipta súkkulaðinu út fyrir sykurlaust súkkulaði) granóla sem öllum finnst gott. Frábært út á gríska jógúrt, eftirréttinn eða bara með ískaldri mjólk. 

Hráefni:

5 dl hafrar

1 dl kókosmjöl

1/2 dl hnetusmjör

1/4 dl sæta í fljótandi formi (t.d. hunang, agave sýróp eða goodgood sýróp)

1/2 tsk kanill

1/4 tsk salt

1 msk vanilludropar

1 msk bragðlaus olía eins og t.d. kókosolía

1 dl dökkt súkkulaði saxað í bita

Aðferð:

1. Hitum ofninn í 180 gráður og setjum bökunarpappír á plötu.

2. Dreifum úr höfrunum á plötuna og bökum í um 10 mínútur.

3. Á meðan hafrarnir eru í ofninum þá setjum við kókosmjöl, kanil og salt í skál og bætum svo höfrunum saman við þegar þeir koma úr ofninum.

4. Hitum síðan olíuna, hnetusmjörið, sýrópið og vanilludropana örlítið í potti og hrærum þessu vel saman. Alls ekki hita of mikið bara örlítið svo þetta blandist vel.

5. Síðan hellum við þessu saman við hafrablönduna og mixum vel saman. Gott er að nota hendurnar svo þetta blandist nú vel.

6. Dreifum þessu á ofnplötuna og bökum í um 15-20 mín eða þar til þetta verður vel gyllt og fallegt.

7. Þegar þetta kemur úr ofninum látum við þetta standa í örlitla stund áður en við blöndum saxaða súkkulaðinu saman við.

Þetta mun líklega klárast hratt en annars geymist þetta vel í loftþéttum umbúðum í c.a. viku.

Lokaorðin voru upplýsandi en fyrst og fremst sorgleg:

Hleðslan mín er lág og það er að dimma.

Oppy fór langt fram úr væntingum

Opportunity heitir sex hjóla geimjeppinn sem hefur þjónað okkur jarðarbúum með reglulegri stöðugjöf og gögnum frá rauðu plánetunni síðan 24.janúar 2004. Upprunalega var búist við að hann gæti unnið að jarðfræðirannsóknum í 90 daga og ná að fara yfir einn kílómetra. Þegar uppi var staðið var „Oppy“, eins og hann var kallaður af vinum sínum, meira en 14 ár að safna gögnum og fór yfir 45 kílómetra. Þannig fór hann langt fram úr væntingum skapara sinna.

Skuggamynd Oppy sem hann tók af sjálfum sér. Mynd fengin frá www.Nasa.gov

Var líf á Mars?

Oppy og „tvíburi“ hans, Spirit sem hætti að virka 2011 eftir 8 kílómetra akstur á plánetunni, kenndu okkur heilmikið um Mars. Við lærðum að Mars var áður blaut, mögulega ábúanleg pláneta. Við sáum áður ókannað landslag plánetunnar með 217.000 myndum auk þess sem ógrynni af steinum og steindum voru skoðaðar, burstaðar og greindar.

Sjá einnig: Nýja myndbandið frá NASA

Hann dvelur nú í „Þrautseigjudal“

Stjórnstöð NASA hefur nú gefist upp á að ná sambandi við þjarkinn eftir að hafa misst það í júní á seinasta ári. Mikill rykstormur geisaði í „Þrausegjudal“ (e. persistence valley) þar sem þjarkurinn ráfaði um og vonir stóðu um að þegar storminn lægði þá myndi jeppinn ræsa sig aftur í gegnum sólarhleðslu. Allt kom fyrir ekki. Við stöndum í þakkarskuld við þekkingarauka þjarksins og vonandi gerir sagan honum góð skil.

Hvor er verri manneskja, leigumorðinginn eða leiklistarneminn? Glápið reynir að finna svarið við þessari aldagömluspurningu með því að fylgjast með ævintýrum Barry og félaga í borg englanna.

Alvarpið er einnig að finna á iTunes store!

Leikarinn og samfélagsmiðlastjarnan Aron Már Ólason eða Aron Mola hefur slegið í gegn í Ófærð 2 í vetur. Hann hefur vakið athygli út fyrir landsteinana en hann fékk í gær skilaboð frá spænskum leikara sem talar fyrir persónu Arons í spænsku útgáfunni af Ófærð.

Aron birti skilaboðin á Twitter í morgun.

Wow þetta er geggjað! En getur eh útskýrt fyrir mér seinni partinn af skilaboðunum? pic.twitter.com/xQ43SoYaL6

— ARONMOLA (@aronmola) February 15, 2019

“Þú stóðst þig vel.
Bestu kveðjur”

— Vilhelm Neto (@VilhelmNeto) February 15, 2019

Atli Fannar Bjarkason birti í kjölfarið myndband úr Ófærð með spænsku tali sem er ansi skemmtilegt.

ólafur darri og aron mola eru geggjaðir á íslensku en þeir eru GEGGJAÐIR á spænsku pic.twitter.com/ONa3PqLAw3

— Atli Fannar (@atlifannar) February 15, 2019

Jón Ragnar Jónsson fór í vikunni í sund í Seljavallarlaug ásamt Alexi vini sínum. Þeir höfðu frétt af því að laugin væri ekki í góðu standi og það væri oft mikið rusl í kringum hana og ákváðu því að taka með sér ruslapoka og skóflu til þess að laga smá til. Ástandið var þó mun verra en þeir höfðu reiknað með.

Jón Ragnar hefur vakið töluverða athygli fyrir Instagram aðgang sinn jonfromiceland. Þar setur hann inn myndir af ferðalögum sínum um landið. Hátt í níu þúsund manns fylgjast með Jóni á Instagram þar sem hann vakti athygli á slæmri umgengni við Seljavallalaug.

Í samtali við Nútímann segir Jón að þegar hann hafi mætt á svæðið ásamt Alexi hafi um 10 ferðamenn verið að baða sig í lauginni. Þeim hafi þó strax misboðið ástandið þegar þeir fóru inn í klefann við laugina.

„Það var allt út í rusli, úrgang, ferðagrillum, vínflöskum, bleyjum, sundfötum, handklæðum og viðbjóð… svo sorglegt að sjá. Við skófluðum rusli upp í þá poka sem við vorum með og náðum að gera tvo klefa nokkuð hreina. Núna er allvegana hægt að skipta um föt inni, en spurning hversu lengi þetta helst hreint.“

Jón segir að þeir hafi einungis náð að þrífa tvo klefa af þremur þar sem að ruslið hafi verið mun meira en þeir reiknuðu með. Hann segir að þeir ferðamenn sem hafi verið á svæðinu hafi verið þakklátir þeim fyrir að taka til. Nokkrir hafi snúið við þegar þeir hafi séð ástandið.

Jón og Alex voru í sirka tvo klukkutíma að taka til í kringum laugina en svo hafi þeir þurft að drífa sig aftur í bæinn. Þeir náðu ekki að baða sig en Jón segist ekki vera viss um að þeir hafi haft áhuga á því ef að tími hefði verið til þess.

Hann segist vita til þess að fólk hafi farið þangað áður og tekið til og það sé frábært. Hann telur fjölda ferðamanna sem heimsækja laugina ekki vera aðalástæðuna fyrir slæmri umgengni, frekar sé um að ræða vanvirðingu og þekkingarleysi.

„Þetta er í fyrsta skipti sem ég upplifi svona, að sjá stað í svona slæmu ástandi sem var áður glæsilegur. Íslensk ferðaþjónustufyrirtæki og stórir aðilar í ferðaþjónustu þurfa að setja meiri kraft í að upplýsa ferðamanninn.“

Hann segist hafa fengið sterk viðbrögð við færslunni á Instagram. Yfir þúsund manns hafa sett like við hana og yfir 130 athugasemdir sem Jón segir að séu aðallega frá erlendum ferðamönnum.

„Fólk talar aðallega um hversu reið þau urðu við að sjá þetta. Þessi póstur augljóslega snerti fólk og vonandi hefur einhver áhrif á fólk næst þegar það fer í Seljavallalaug. Vonandi taka fleiri með sér poka til þess að taka eitthvað rusl í bakaleiðinni.“

View this post on Instagram

This place once was a hidden gem… now it’s falling apart. I visited Seljavallalaug yesterday to go for a swim. @alexfromiceland and I decided to bring a shovel and a couple of bags because we knew there was some trash there 🗑 But when we noticed how horrible the situation actually was we just lost all hope. The place was all covered with trash, both in and around the house. It was not just the trash that hit us but also the smell of human feces. We tried our best and managed to clean two out of the three changing rooms. I hope future visitors will have a chance to experience this place the same way I used to a few years back. For that to happen we need to spread the word and stop leaving trash in the nature. Walking away from the pool yesterday made me feel good about the things we did. Now I just want to do more of this! #respectnature

A post shared by JÓN RAGNAR JÓNSSON (@jonfromiceland) on Feb 14, 2019 at 7:44am PST

Það er komið að uppáhalds sunnudagsafþreyingu okkar allra: Fyndustu tíst vikunnar! Við höfum tekið saman allt það besta og skemmtilegasta og vinsælasta úr umræðunni á Twitter síðustu vikuna.

Fyndið, af því þetta er satt…

“Ísland fyrir Íslendinga en Spánn fyrir Íslendinga líka því það er gott veður og viljum borga minni skatt”

— Vilhelm Neto (@VilhelmNeto) February 16, 2019

Skítt með spaghettískrímslið, þetta eru trúarbrögð sem við styðjum!

Ef þið ættuð ramenstað, hvað mynduði skíra hann? Minn myndi heita Að eilífu, ramen 🙏🍜

— Hildur (@hihildur) February 13, 2019

😅😅😅

víking gyltur pic.twitter.com/u27gMdvsUs

— Brynjar (@undarlegt) February 8, 2019

Gleðilegan Valentínusardag elskan 😘

Skilaboðin sem Rúrik Gísla fékk frá konunni sinni á Valentínusardaginn á Instagram Vs smsið sem ég fékk frá konunni minni. pic.twitter.com/UHtSkHas1o

— Albert Ingason. (@Snjalli) February 15, 2019

Rapparar landsins, leggið við hlustir!

Mikið verið að spá hvað má segja í rapplögum 🤔 pic.twitter.com/RPDxieyoio

— Hafrún Elísa (@hafrunelisa) February 10, 2019

Ókei, við VERÐUM að fá að vita hvort Ásdís Rán muni eftir þessu!?

Elska gamalt fólk á fb pic.twitter.com/tfPGgfQTiR

— 🤠 áslaug 🤠 (@gedveik) February 17, 2019

BOM DIA AMIGO!! 😘😘😘🇦🇽🇦🇽🇧🇷🇧🇷🇧🇷

Dóttir mín: pppppbbbb..ppbbb

Ég: dóttir mín er að segja fyrstu orðin sín! Hún er að reyna að segja “pabbi”

Dóttir mín: pppbb.. BOM DIA AMIGO 😘😘🇦🇽🇦🇽🇧🇷🇧🇷🇧🇷

— Umræðuþátttakandinn (@SiffiG) February 15, 2019

Hversu miðaldra er hægt að vera?

Er til meira óréttlæti en að vera rukkaður fullt verð fyrir bjór af því maður mætir of SNEMMA fyrir happy hour???

— Stefán Pálsson (@Stebbip) February 15, 2019

Fokk…..sorry, Alda Karen!

Momentið þegar Alda Karen hafði rétt fyrir sér og við lítum út eins og asnar. pic.twitter.com/cMLJUDSwX9

— Arnar (@ArnarVA) February 14, 2019

Finndu fimm villur

Þeir: Klæðnaður í myndatökunni?
Advania: Við græjum það.
Þeir: Fyrir okkur báða?
Advania: Við eigum einn jakka og skyrtu, þið skiptist á. pic.twitter.com/HKgg3dKwmz

— Árni Helgason (@arnih) February 15, 2019

Hvernig gekk í prófinu? pic.twitter.com/A8bivfppJK

— Árni Torfason (@arnitorfa) February 16, 2019

Sammála!!🙌

Ég vildi að ég hefði haft vitsmuni til að njóta þess til fullnustu að vera smábarn

— Hekla Elísabet Aðalsteinsdóttir (@a_hekla) February 13, 2019

Einhver gaur: Það var líka erfitt fyrir langaafa þinn að kaupa sér íbúð

Langaafi minn: Fæddur 1840, átti 32 börn, var yfirsetumaður og galdrakarl sem bjó í torfkofa alla sína æfi.

Ég: Skarplega athugað, húsnæðismarkaðurinn er ekki fáránlegur eftir allt saman.

— brauðsneið með smjöri (@smjorfluga) February 14, 2019

Ekki alveg það sem ég meinti mamma 😅

Ég : „veistu eitthvað um nýju nágrannana?“

Mamma: „nei, þau eru alltaf með dregið fyrir þannig ég sé ekki inn.“

— Kristrún Emilía (@KristrunEmilia) February 13, 2019

FRÖKEN!!!

Mamma er 80 ára í dag. Það versta sem hún hefur gert mér var þegar ég var 14 og hún 56 og hún dró mig í Spútnik til að skila levis buxunum sem ég var nýbúin að kaupa og elskaði. FRÖKEN! ÞÚ SELUR EKKI BÖRNUM RIFIN FÖT Á FULLU VERÐI. Ég er að spá í að fyrirgefa henni, kannski.

— Dr. Sunna Simonardottir (@sunnasim) February 13, 2019

Kemur þetta ráð líka frá Öldu Karen? 🤔

LIFEHAX:
Því minna sem maður fer útúr húsi, því meira fær maður fyrir leiguna 🤑

— Eydís Sigfúsdóttir (@eydissigfusd) February 13, 2019

😂😂😂

Ég er ekki betri maður en þetta pic.twitter.com/nUmCzsTXeW

— Ásbjörn Erlingsson (@Bubblingur) February 15, 2019

Spennið á ykkur beltin, hlustendur, því það er loksins komið að því. Andrea og Steindór horfðu á L7: Hrafnar, Sóleyjar og Myrra, upp úr barnabókinni L7: Hrafnar, Sóleyjar og Myrra, sem kom út 2011. En hvernig er heimildarmyndin um gerð Óskabarna þjóðarinnar? Hvað er hægt að gera við 107 milljónir? Og hvernig eru slæmar ritgerðir um Old Man and the Sea? Allt þetta og permanent í Bíó Tvíó vikunnar!

Facebook síðu Bíó Tvíó má finna hér!

Alvarpið er einnig að finna á iTunes store!

Nútíminn er að leita að ritstjóra, blaðamönnum og pennum. Ef að það leynist penni í þér eða eitthvað brennur sérstaklega á þér um málefni líðandi stundar, komandi stundar eða liðinnar stundar, þá skaltu ekki hika við að senda okkur fyrirspurn. Hvort sem um er að ræða fréttir, afþreyingarefni, pistla eða annað sem þér dettur í hug.

Ef þú hefur áhuga á því að skrifa fyrir Nútímann í einhverju formi endilega hafðu samband á nutiminn@nutiminn.is.

Æskilegt er að viðkomandi hafi:

• Brennandi áhuga á fjölmiðlum og internetinu
• Húmor og hæfni í að tala við fjölbreytt fólk og taka allskonar viðtöl
• Vilja og getu til að hlaupa í verkefni með stuttum fyrirvara
• Góð tök á tungumálinu

Og já, við viljum gefa ungu fólki tækifæri.

Ég elska mat sem er einfaldur og fljótlegur í undirbúningi. Þetta eggjasalat er ekki bara einfalt heldur líka bæði hollt og sjúklega gott. Mæli með því á t.d. ristað súrdeigsbrauð eða á hrökkkex.

Hráefni:

1 stórt þroskað avocado

3 harðsoðin egg

2 msk majónes

2 msk rauðlaukur smátt saxaður

1 tsk lime safi

3-4 basilikulauf smátt söxuð (má sleppa)

salt og pipar

Aðferð:

Eggin og avocadoið eru skorin smátt og allt hráefnið síðan sett saman í skál og hrært vel saman. Salt og pipar eftir smekk.

Önnur þáttaröð af spjallþættinum Með Loga kemur í Sjónvarp Símans á fimmtudaginn. Nýja serían telur átta þætti en gestir Loga í nýju þáttaröðinni eru Edda Björgvinsdóttir, Björgvin Halldórsson, Kári Stefánsson, Linda Pétursdóttir, Ágústa Eva Erlendsdóttir, Ólafur Darri Ólafsson, Jakob Frímann Magnússon og forsetafrúin Eliza Reid.

Logi bregður á leik í nýjum stiklum fyrir þættina og spyr meðal annars hvers vegna Ólafur Darri geti ekki bara sagt hvað hann sé æðislegur.

Tískufrömuðurinn Karl Lagerfeld er látinn, 85 ára að aldri, eftir skammvinn veikindi. Franskir fjölmiðlar greina frá andláti hans í morgun.

Karl Lagerfeld ætti að vera flestum góðkunnugur er tískuhönnuðurinn hafði verið aðalhönnuður og andlit franska tískurisans Chanel í rúma þrjá áratugi. Lagerfeld var einni auðþekkjanlegur á útliti sínu en hvíta taglið og svört sólgleraugun, stífir kragarnir og svört jakkafötin sem hann klæddist höfðu orðið að nokkurskonar einkennisbúningi tískuhönnuðarins.

View this post on Instagram

Longtime friends Karl Lagerfeld and @carineroitfeld have announced their upcoming collaboration for Fall 2019. #KARLLAGERFELD

A post shared by KARL LAGERFELD (@karllagerfeld) on Feb 1, 2019 at 12:49am PST

Lagerfeld var fæddur árið 1933 í Hamborg í Þýskalandi og lét fyrst á sér kveða í tískuheiminum ungur að aldri, þegar hann flutti til Parísar á sjötta áratug síðustu aldar. Síðan þá hefur Lagerfeld verið stórt nafn í heimi tískunnar og hafði hann starfað fyrir bæði Yves-Saint Laurent, Chloe og Pierre Cardin áður en hann tók við listrænni stjórnun tískuhússins Chanel.

Störf hans hjá Chanel þykja nokkuð goðsagnakennd þar sem tískuhúsið hafði legið í lægð eftir andlát stofnanda þess Coco Chanel árið 1971. Lagerfeld átti stóran þátt í endurreisn tískumerkisins með íburðarmiklum tískusýningum og gjörningum.

Lagerfeld stofnaði eigið tískuhús, KARL, ári eftir að hann tók við stjórn Chanel og sá einnig um listræna stjórnun fyrir tískumerkið Fendi. Lagerfeld var þúsunþjalasmiður því auk þess að hanna hátískuföt og fylgihluti á öll kyn og aldurshópa var hann einnig ötull innanhúshönnuður og hannaði útlit þekktra hótela um víða veröld.

Frægt er þegar ímynd Lagerfeld var fengin að láni á hönnun Diet Coke flaskna árið 2010 eftir ummæli Lagerfeld að hann hafi misst rúm 90 kíló á megrunarkúr sem innihélt aðeins epli og Diet Coke. Hönnuðurinn svo upprifinn af framferði Coca-Cola að ári síðar hannaði hann sjálfur þrjár nýstárlegar flöskur fyrir drykkinn. Slíkar flöskur ganga sölum og kaupum á netinu fyrir háar fjárhæðir.

Diet Coke flöskurnar frægu

The end of an era! RIP Karl Lagerfeld #KarlLagerfeld pic.twitter.com/gU6emIyL28

— Iman Abdulmajid (@The_Real_IMAN) February 19, 2019

View this post on Instagram

Karl your genius touched the lives of so many, especially Gianni and I. We will never forget your incredible talent and endless inspiration. We were always learning from you.

A post shared by Donatella Versace (@donatella_versace) on Feb 19, 2019 at 3:51am PST

Fashion world loses one of its most influential designer.
Thanks for the talent.
RIP #KarlLagerfeld pic.twitter.com/d52MSMBlcl

— Antonio Banderas (@antoniobanderas) February 19, 2019

Stórskemmtileg kaffihátíð á vegum Kaffibarþjónafélagsins, Expert og Chaqwa á Íslandi verður haldin næstkomandi laugardag, 23.febrúar. Tvö Íslandsmót verða á hátíðinni en keppt verður í tveimur kaffigreinum, Íslandsmóti kaffibarþjóna og Íslandsmóti í kaffigerð. Sigurvegarar keppninnar öðlast réttinn að keppa fyrir hönd Íslands á Heimsmeistaramóti kaffibarþjóna sem haldið verður í Boston í apríl á viðhafnarmikilli Coffee Expo-hátíð.

Ísland hefur reglulega sent frá sér fulltrúa til að keppa á Heimsmeistaramótinu og í ár er stefnt á að senda bæði Íslandsmeistara í kaffibarþjónustu og Íslandsmeistara í kaffigerð. Keppnirnar fara fram í húsnæði Expert að Draghálsi 18-26 frá kl.12-17, frítt er inn og allir eru velkomnir.

„Þetta er einstakur viðburður til að kynnast því hvað kaffiiðnaðurinn á Íslandi hefur upp á að bjóða og sjá þær nýjungar sem kaffibarþjónar munu finna upp á.” segir í viðburðartilkynningu Kaffibarþjónafélagsins á Facebook.

Á Kaffihátíðinni verður einnig hægt að kynna sér starfsemi ýmissa kaffifyrirtækja, hægt verður að smakka kaffi frá ólíkum kaffibrennslum og fræðsla af ýmsu tagi verður inn á milli þess sem keppendur stíga á svið.

Hægt er að skoða viðburð Kaffihátíðarinnar nánar á Facebook hér og kynna sér starfsemi Kaffibarþjónafélagsins hér.

Það eru eflaust ófáir Queen aðdáendur sem fagna þeim fréttum að hljómsveitin mun koma fram á Óskarsverðlaunahátíðinni 2019. Verðlaunahátíðin fer fram í Dolby leikhúsinu þann 24.febrúar næstkomandi sunnudag. Þetta er í 91 skipti sem verðlaunaafhendingin fer fram en mikill glamúr umlykur hátíðina ár hvert þar sem allar stærstu stjörnur kvikmyndaheimsins koma saman.

Is this the real life?
Is this just fantasy?
We welcome @QueenWillRock and @adamlambert to this year's #Oscars!https://t.co/7uDf42FbjJ

— The Academy (@TheAcademy) February 18, 2019

Hljómsveitin Queen hefur verið mikið í sviðsljósinu undanfarna mánuði eftir að bíómyndin Bohemian Rhapsody, sem byggð er á sögu hljómsveitarinnar, kom út í lok síðasta árs við gríðarlega jákvæðar viðtökur. Kvikmyndin sjálf er tilnefnd til hvorki meira né minna en fimm Óskarsverðlauna þetta árið, þar á meðal í flokki bestu kvikmynda. Leikarinn Rami Malek, sem fer með hlutverk hins magnaða og litríka söngvara Freddie Mercury, er einnig tilnefndur til Óskarsins fyrir túlkun sína á söngvaranum sem lést árið 1991.

Næstkomandi sunnudag mun American Idol stjarnan Adam Lambert taka stað Freddie Mercury á sviðinu og ljá hljómsveitinni rödd sína. Adam hefur verið að koma fram með bandinu síðan 2011 en hann leggur mikla áherslu á það að hann sé ekki að reyna að fylla í fótspor Freddie þar sem það sé ekki hægt. Mikil eftirvænting ríkir eftir lagavali sveitarinnar á hátíðinni en Queen hefur alla tíð verið þekkt fyrir kraftmikla sviðsframkomu.

We will rock The Oscars 😏
Feb 24th. 5pm PST. @TheAcademy @QueenWillRock pic.twitter.com/BlGkKnhL68

— ADAM LAMBERT (@adamlambert) February 18, 2019

Hinn 77 ára gamli Bernie Sanders tilkynnti í dag um framboð sitt til forseta 2020 í forkosningum demókrata. Þetta er í annað skiptið sem Sanders býður sig fram í slíkum kosningum. Hann bauð sig síðast fram fyrir kosningarnar 2016 sem frambjóðandi demókrata en tapaði þeirri baráttu gegn Hillary Clinton. Sanders, sem er óháður öldungadeildarþingmaður, á nú þegar stóran fylgjendahóp frá síðustu kosningum svo það verður áhugavert að fylgjast með gengi hans.

I'm running for president. I am asking you to join me today as part of an unprecedented and historic grassroots campaign that will begin with at least 1 million people from across the country. Say you're in: https://t.co/KOTx0WZqRf pic.twitter.com/T1TLH0rm26

— Bernie Sanders (@BernieSanders) February 19, 2019

Fleiri einstaklingar sem hafa tilkynnt framboð sitt til forseta í forkosningum demókrata eru Amy Klobuchar, Andrew Yang, Cory Booker, Elizabeth Warren, John Delaney, Julian Castro, Kamala Harris, Kirsten Gillibrand, Marianne Williamson, Pete Buttigieg og Tulsi Gabbard.

Lára, minjavörður með varalit, fræðir hlustendur um hvað kom fyrir húsið sem Astrid Lindgren, Philip drottningamaður og Múmínálfarnir bjuggu í saman..
Kvikmyndagerðakonan Júlía segir frá örlögum gamla veskisins sem hýsti sígarettustubba síðan djammið 2011.

Ævintýri karókíglaða stelpuhópsins halda áfram og sagnfræðilýsingar frá steinöld eru á sínum stað.

Spil dagsins er hin heilaga viskukýr.

Alvarpið er einnig að finna á iTunes store!