Vilhelm Neto, Steiney Skúladóttir og Starkaður Pétursson prófuðu sig áfram í nýrri auglýsingarherferð frá Höldum Fókus þar sem notast er við gervigreind til þess að gera auglýsinguna persónulegri fyrir notendur.
Á dögunum fór í loftið ný Höldum Fókus Herferð, sem að vanda miðar að því að sporna við að fólki aki undir áhrifum snjallsíma. Það eru Sjóvá, Strætó og Samgöngustofa sem standa að verkefninu sem unnið er af framleiðslustofunni Tjarnargatan.
Er hér um að ræða fyrstu fyrstu herferðina á Íslandi sem notast annarsvegar við Instagram bakenda til að auðkenna áhorfendur sem og að notast er við gervigreind í samstarfi við Google til að lesa úr myndunum.
Netverjar geta þó einnig prufað herfeðrina án þess að tengjast Instagram en vert er þó að undirstrika að engin gögn eru geymd né þau notuð í neinum öðrum tilgangi en fyrir þessa einu upplifun.
Dýralæknastöðin í Grafarholti fjarlægði stærðarinnar sokk úr þörmum labradorhunds sem þangað leitaði í gær. Greint er frá þessu í færslu Dýralæknamiðstöðvarinnar á Facebook.
Í færslunni segir að hundurinn hafi verið orðinn lystarlaus og ekki haldið neinu niðri en eftir að læknar rannsökuðu hann kom sokkurinn í ljós. Ákveðið var að skera sjúklinginn upp og fjarlæga sokkinn.
Dýralæknastöðin í Grafarholtiminnir fólk að að passa vel upp á smáhluti í kringum dýr. „Við viljum minna alla gæludýraeigendur á að passa vel upp á smáhluti og föt í kringum dýrin, en einnig að vera vakandi fyrir einkennum um fastan aðskotahlut, en þau eru sérstaklega uppköst, lystarleysi, slappleiki og að halda engu niðri,“ segir í færslunni.
Færslan í heild
Í dag fengum við góða áminningu um hvað hundar og kettir eru miklir óvitar. Fyrst kom til okkar ljúfur og góður labrador…
Listakonan Ágústa Eva Erlendsdóttir gagnrýnir umfjöllun DV um „eftirsóttustu bólfélagar landsins“ harðlega í færslu á Facebook. Ágústa sjálf er meðal þeirra sem rata á listann.
„Ósmekklegt með öllu, stilla upp fólki á nærfötunum, það sett í kynferðislegt samhengi og í ofan á lag það listað upp eins og á útsölubæklingi og dreift manna á milli,“ skrifar Ágústa í færslu sem sjá má hér að neðan.
„Það virðist sem „blaðamaður“ hafi verið í einhverskonar annarlegu ástandi við þessi skrif eða jafnvel lyfjaður, trúi ekki að svona hugsun og yfirlýsingar séu viðteknar eða eðlilegar á okkar tímum,“ bætir Ágústa við.
Færsla Ágústu
Ósmekklegt með öllu, stilla upp fólki á nærfötunum, það sett í kynferðislegt samhengi og í ofan á lag það listað upp…
Íslendingar eru duglegir á samfélagsmiðlum og einn af þeim vinsælustu er Instagram. Nútíminn tók saman það helsta sem Íslendingar birtu á miðlinum í liðinni viku.
Þá er komið að hinni vikulegu Twitter samantekt Nútímans. Íslendingar á Twitter voru einstaklega fyndnir og sniðugir í vikunni og því er úr nógu að taka.
Lifehack: elda lasagna, frysta lasagna, þurfa aldrei að borða neitt annað en lasagna afþví lasagna er fullkomið og þig mun aldrei langa í neitt annað en lasagna þó þú sért búin að borða það fjóra daga í röð lasagna
Kæró fer í fimm vikna golftúr í nótt. Við buðum foreldrum okkar í mat. Föttuðum svo kannski að þau héldu að við ætluðum að tilkynna eitthvað (sem þau vissulega héldu 😂) Það var ekki tilfellið – en við sýndum þeim kaktusinn okkar, Sebastian Kormák, og allir fóru glaðir heim.
Einu sinni gat ég staðið uppi á sviði á Prikinu og tekið B.O.B.A. 8x sinnum í röð og allir öskruðu með. Ef ég myndi dirfast til að gera það í dag væri ég ábyggilega laminn í klessu(síðan myndi sá hin sami æla á mig)
Ég varð vitni að ráni í dag í ónefndri raftækjaverslun, með eltingarleik og öllu. Hafði einhvernveginn ímyndað mér að það væri meira fútt í svona ránum en þetta var 100% eins og Klovn sena.
Þær Hafdís og Karess kalla ekki allt ömmu sína en þær stöllur eru á jógísku ferðalagi um heiminn. Hafdís Lind er fædd og uppalin á Íslandi en Karess kemur frá Kaliforníu. Þær segjast hafa fundið sálufélaga í hvorri annarri, þær hafa eytt nánast hverri vökustund saman síðustu þrjú árin og giftu sig eftir aðeins ár saman. Þær eru búsettar á Íslandi en eru um þessar mundir á ferðalagi um Asíu.
Hafdís flutti aftur til Íslands en fékk aldrei landvistarleyfi í Bandaríkjunum og flaug tíminn frá þeim sitthvorum megin við Atlantshafið á meðan þær rifust við lögfræðinga og stóðu í stöðugri skriffinnsku að koma Hafdísi út til Bandaríkjanna. Þær lýsa þessu ári í sundur sem einum erfiðasta tíma í sambandi þeirra en að fjarlægðin hafi kennt þeim að kunna að meta hvor aðra á glænýjum forsendum.
„Árið okkar í sundur einkenndist af mikilli sorg, alltaf að kveðjast og vissum aldrei hvenær við fengjum aftur að búa saman en við lærðum mikið á þessum erfiða tíma og áttuðum okkur á því að sama þótt einhver æðri öfl reyndu að stía okkur í sundur, þá gæti ekkert stöðvað samband okkar.” segir Hafdís.
Þegar Kaliforníudraumar þeirra rættust ekki upplifðu þær ákveðin vonbrigði en langaði þó að gifta sig og halda stærðarinnar ástarfögnuð. Þegar ekkert varð úr landvistarleyfi Hafdísar til Bandaríkjanna, pakkaði Karess öllu niður og flutti til Íslands. Seinna létu þær kylfu ráða kasti og giftu sig á sýslumannstofunni í Keflavík þann 9. júní 2017.
„Við stóðum þarna í slitnum skóm og gömlum fötum og giftumst besta vini okkar. Þetta var fullkomið, þetta var allt sem við þurftum.” segir Hafdís.
„Einn daginn munum við halda stóra veislu en akkúrat núna höfum við ákveðið að verja tíma okkar og fjármunum í ferðalög, lærdóm og að upplifa heiminn.” bætir Karess við en þær fengu þó tækifæri á að taka gullfallegar brúðarmyndir í íslensku landslagi í gegnum vin þeirra sem er ljósmyndari.
Nú eru þær sannarlega að upplifa ferðadrauminn en þær hjónin eru staddar á Balí eftir að hafa ferðast um Tæland, Malasíu og Indónesíu. Skemmtilegt er að fylgjast með þeim hjónum á samfélagsmiðlum, bæði á ferðalögum og hér heima, þar sem lífstíll þeirra er ansi frábrugðin hinum hefðbunda Íslending.
Þær Hafdís og Karess fara sýnar eigin leiðir og leita innblásturs í andlegum fræðum og ilmkjarnaolíum, lifa eftir grænkeramataræði, stunda jóga af ástríðu, hugleiðslu og núvitund og fyrir stuttu ákvað Karess að leggja skónna á hilluna, í orðsins fyllstu merkingu, og hætta að ganga í skóm.
„Ég vildi upplifa hvernig það væri að ganga um skólaus eins og forfeður okkar og hvort það myndi breyta einhverju fyrir mig, stoðkerfið eða snerpuna, að vera sífellt jarðtengd. Nú hef ég gengið skólaus í rúma tvo mánuði og í hreinskilni sagt, þá líður mér eins og ég sé mun jarðbundnari. Ég myndi mæla þessu fyrir alla, þó ekki væri nema í einn dag!”
Þær viðurkenna það þó að þessar öfgafullu breytingar á lífstíl síðustu árin hafa kostað þær vináttur, viðskiptatækifæri og fjölskyldutengsl eins og gjarnan gerist þegar fólk ferðast af hinum troðna meðalvegi. Þær líta þó ekki á slíkar breytingar sem neikvæðar heldur fremur sem ákveðna hreinsun þar sem lífstíll þeirra hefur einfaldlega losað þær við eituráhrif ýmiss fólks. Þeirra sannfæring er sú að með því að fylgja slíkri lífspeki séu allir þægindarrammar í molum en fyrir utan slíka ramma sé hægt að öðlast ótrúlegustu hluti.
„Þetta er alls ekki auðvelt, þetta er meira að segja frekar ógnandi hugsun og það þarfnast mikils hugrekkis að stíga út fyrir þægindarammann og stíga inn í vald okkar og okkar eina sanna sjálf. Hafðu bara óbilandi trú á sjálfum þér og hlustaðu á lífið, hvert það vill leiða þig og þrátt fyrir að þér finnist eins og allt fari úr skorðum er það rétta leiðin. Treystu sjálfum þér, taktu sjálfan þig í sátt og umfram allt elskaðu sjálfan þig alla daga.” segir Karess og biðlar til fólks að leita að innri styrk og fylgja eigin sannfæringu.
Draumur stúlknanna hafði lengi verið að ferðast um heiminn og sóttust þær eftir að kynnast framandi menningararfi sem þær gætu síðar heimfært í sitt eigið líf. Þær létu ekkert stöðva sig í draumförum sínum og strax eftir brúðkaupið fóru þær að skipuleggja og leggja fé til hliðar fyrir draumaferðinni.
„Við vissum báðar að okkur langaði að taka frá heilt ár í ferðalag þar sem við myndum læra jóga og leggja stund á hugleiðslu, gefa frá okkur í sjálfboðavinnu, búa með fólki af öðrum menningarlegum uppruna og upplifa heiminn í gegnum augu annarra. Við vissum að þetta gætum við á slíku ferðalagi og allt á meðan við skoðuðum einhverja fallegustu staði á jarðríki, svo þetta var algjört „winwin!” segir Karess.
Þær viðurkenna það að lífstíll þeirra breytist töluvert frá hversdagsleikanum þegar þær eru að ferðast. Þær reyna þó að lifa ákveðnu meinlæta lífi á ferðalögum sínum og kjósa frekar að gista í heimahúsum, farfuglaheimilum eða ódýrum gistiplássum frekar en rándýrum hótelum og leyfa sér litlar nautnir, aðrar en þær að vera til staðar, lifa og njóta. Þær reyna að elda sem oftast sjálfar og snæða frekar á ódýrum grænkerastöðum heimamanna heldur en skyndibitakeðjum.
„Þegar við erum ekki að ferðast reynum við að gera alltaf einn hlut á dag, sem er bara fyrir okkur. Hvort sem það er hugleiðsla, lestur eða skrif, þá eyðum við alltaf ákveðnum tíma í okkur sjálfar, og þegar við ferðumst þá verður allur dagurinn að þessu „eina” góðverki til sjálfrar okkar!” segir Hafdís. Mikilvægi þess að ferðast í núinu er þeim algjörlega lífsnauðsynlegt og reyna þær að ferðast án ákveðinna dagsetninga, ráðagerða eða dagskrár og njóta frekar samvista sinna við náttúruna og leyfa lífinu að stjórna sér, en ekki öfugt.
Ferðalag hjónanna hófst á Koh Phanang í Tælandi í fyrrahaust. Á eyjunni Phanang sóttu þær mánaðarlangt jógakennaranámskeið í litlum jógaskóla, La Casa Shambala. Þeim líkaði dvölin og andrúmsloftið svo að þær eyddu tveimur mánuðum á eyjunni fögru og stunduðu jóga daglega.
„Þetta var mjög krefjandi 200 klukkustunda nám með áherlsur á „chakra” eða orkustöðvar líkamans. Við lærðum „hatha“ og „vinyasa“ jóga þar sem áhersla er lögð á jafnvægi líkama, huga og orkustöðva. Megináherslan er ekki endilega jógastöðurnar heldur yfirveguð öndun og jafnvægi. Hver andardráttur er tilbeðinn í hverri hreyfingu.“ útskýrir Karess.
Kennslan hófst strax snemma að morgni með einnar klukkustundar hugleiðslu um sjöleytið, því næst 3-4 klukkustundum af jógaæfingum, tveimur klukkustundum af heimspekikennslu og svo fjórum tímum sem varið var í að kenna jógastöðurnar í miklum smáatriðum. Karess og Hafdís vanda skólanum mjög kveðjur sínar og segjast gjörsamlega upprifnar af þessari lífsreynslu, aðstöðunni og fólkinu sem þær kynntust.
„La Casa Shambala varð eins og heimili okkar, við mynduðum sannkölluð fjölskyldubönd við fólkið sem var með okkur og lífsreynslan var sem ævintýri líkust” segir Hafdís dreymin og Karess bætir við, „Það er ákveðin áskorun að koma því í orð hversu mikið við lærðum á þessum tíma og hversu djúpstæð áhrif þetta hafði á líf okkar. Við áttuðum okkur á því að þetta var aðeins byrjunin, þessi fræði heilluðu okkur svo mikið að við höfum ákveðið að sækja frekara jógakennaranám á Indlandi.”
Eins og stelpurnar segja hefur jóga á vesturhveli jarðar löngum þjónað einkar yfirborðskenndum tilgangi en sönn jógaiðkun er að margra mati mun meira en líkamlegar stöður og teygjur. Þær segja hinn sanna tilgang jóga vera tengslamyndun við sjálfið og hið æðra, að binda saman hugvitund okkar við eitthvað stærra og meira. Jóga megi því iðka í margskonar tilgangi, ekki aðeins til þess að halda sér í góðu líkamlegu formi heldur einnig til að rækta okkar andlega form og öðlast dýpri skilning á lífinu.
„Jóga færir okkur svo miklu meira en líkamlega burði, jóga færir okkur töfrandi augnablik hamingju, friðar og samstillir hjartað við okkar hreinasta sjálf. Jóga kennir okkur að vera í fullkomnu tengslajafnvægi við sjálf okkur og þegar við erum þannig stödd er auðveldara að tengjast heiminum í kringum okkur.” segir Hafdís.
Hugleiðsla er þeim hjónum einnig hugleikin og þykir þeim miður hversu lítið hinn venjulegi Íslendingur virðist hugleiða dag hvern. Hugleiðsla sé aldagömul aðferð til þess að öðlast innri frið og dýpri skilning og hugleiðsla sé gott tól við stöðugu áreiti frá skjátækjum, rafmagni, upplýsingaflæði og öðrum óþarfa. Það sé aðeins vegna menningarlegrar skilyrðingar á Vesturlöndunum sem margir trúa því að hugleiðsla sé aðeins stunduð í trúarlegu skyni eða að hún sé eitthvað stórkostlega flókið fyrirbæri sem aðeins nýtist furðufuglum sem ganga ekki skóm. Hugleiðsla ætti að vera öllum aðgengileg þar sem hún gæti hjálpað fólki að öðlast betri andlega heilsu.
„Við lærðum líka allskonar mismunandi leiðir til hugleiðslu, aðrar en þær sem þykja klassískar að sitja og anda sig inn í hugleiðandi ástand. Við lærðum til dæmis ákveðna matmáls-hugleiðslu, þar sem við snæðum saman í hljóði og neytum hvers bita í varkárni. Það virkar þannig að maður borðar með höndunum og tekur aðeins upp litla bita í einu, tyggur matinn vel og lengi á meðan þú blessar matinn í huganum og sýnir næringunni þakklæti. Þess konar borðsiðir styrkja önnur skilningarvit, eins og lyktarskyn, bragðskyn og snertingu því engin hnífapör eru á boðstólunum” segir Karess, „Þú tyggur matinn, með lokuð augun, þangað til hann verður nánast að vatni í munninum á þér og kyngir svo, nýtir þannig hvert einasta vítamín og steinefni sem finnast í matnum og á sama tíma ertu meðvitaður um magnið, hvað þú ert að borða og hversu þakklátur þú átt að vera fyrir að hafa mat á borðum.” bætir hún við.
Þesskonar hugleiðslu mæla þær sérstaklega með í okkar vestræna samfélagi þar sem matarsóun og lífstílssjúkdómar tengdir ofáti herja á samfélagið. Þær hvetja alla til þess að prófa slíka matmálshugleiðslu og setja þannig átvenjur sínar í nýtt samhengi og sporna við ýmsum vandamálum tengdum mataræði fólks í dag.
„Það eru fáar leiðir til í heiminum sem kenna þér eins mikið um sjálfan þig og stilla hugann eins vel og að hugleiða.” segir Hafdís.
Stúlkurnar eru nú staddar á Balí eins og áður segir og eru á leiðinni í tíu daga langt hugleiðslunámskeið. Í þessa tíu daga sem þær dvelja á hugleiðslusetrinu er stranglega bannað að tala upphátt, mæta augnarráði, nota snjalltæki eða tölvur, engin afþreying er í boði og hvorki penni né blöð fáanleg. Markmiðið með slíkum setrum er að leggja stund á hugleiðslu og aftengja sig um stund. Þessi upplifun kallast „Vipassana”, sem er sanskrít og merkir „innsýn”, og er fengin að láni úr aldagömlum fræðum búddista. Dagskráin er ofureinföld en hún felst í því að vakna við fyrsta hanagal, hugleiða og nærast yfir daginn og hvíla sig vel á næturnar. Á setrinu búa búddamunkar sem leiða fólk í hugleiðslur og kennslur í búddískum fræðum og eru stelpurnar spenntar fyrir því að kynnast búddafræðum betur, þó þær fylgi engum sérstökum trúarbrögðum.
„Þessi lífsreynsla er eitthvað sem við hlökkum mikið til, að líta djúpt inn á við í algjörri þögn og læra að sjá hlutina handan augnarráðs okkar. Engar truflanir, ekkert utanaðkomandi áreiti bara við og samferðafólk okkar að tengjast og sleppa egóinu í smástund. Það verður magnað.” segir Karess og Hafdís tekur undir.
„Við lifum öllum dögum í þakklæti. Við gefum okkur tíma til að heilsa fólki, brosa til næsta manns og fögnum hverjum einasta tebolla eða kaffibolla á morgnanna, þakklátar fyrir það að upplifa enn einn dag lifandi.” bætir Karess við og eru þær vissar að þessi tíu daga hljóðláta hugleiðsla eigi eftir að færa þeim mikið.
Stúlkurnar segja að tími sé kominn til þess að samfélagið komist aftur í tengingu við einstaklinginn. Við lifum í samfélagi sem þrífst á stöðugum samskiptum við aðra og við upplifum lífið meira í gegnum skjái og minna fyrir okkur sjálf. Alltof miklum tíma er eytt gónandi á skjái að skapa hina fullkomnu ímynd en eina rétta leiðin sé að fylgja hjartanu, ekki samfélaginu, en það er gömul saga og ný, sem stúlkunum þykir hafa gleymst.
„Við erum öll listamenn, dansarar, söngvarar, ferðalangar, könnuðir, uppfinningamenn, ljóðskáld, rithöfundar og skaparar. Öll búum við að sérstökum töfrum innra með okkur og hvers vegna að ganga troðnar slóðir þegar þú getur fylgt þér og þinni sannfæringu um ótroðnar slóðir?” segir Hafdís.
„Hlustum á hjartað. Hjartað hefur alveg jafn mikil samskipti við okkur eins og heilinn á tjáskipti við magann þegar við erum svöng, þá eiga hjörtu okkar tjáskipti við okkur og reyna sífellt að ná athygli okkar. Mannfólkið á það til að vera rökréttara fremur en annað og því höfum við lært að fylgja heilanum frekar en hjartanu. Munurinn er hinsvegar að heilinn hugsar en hjartað veit.“ segir Karess brosandi.
Lífsboðskapur stelpnanna er ofureinfaldur en svo mikilvægur, það er einfaldlega að trúa á sjálfan sig. Þær vildu óska þess að fleiri lifðu lífinu fyrir sjálfan sig fremur en að lifa fyrir starfsframa, samfélagsmiðla eða aðrar veraldlegar ástæður. Oft gleymist hversu einstök við erum, þegar mætir okkur flóðalda uppstilltra ljósmynda og stöðuuppfærslna en við ættum að líta á lífið sem gjöf, ekki kvöð.
„Það er engin tilviljun að þú ert hér, akkúrat núna, sem þessi manneskja. Lífið er gjöf og þegar við meðtökum þann sannleik mun lífið færa þér allar þær gjafir sem þú þarfnast. En spurningin er bara – ert þú tilbúin að trúa því hversu magnaður þú ert í raun og veru? Það merkilegast sem við uppgötvuðum og breytti hugarfari okkar algjörlega er að átta sig á því hversu mikilvæg hver og ein einasta manneskja er í heiminum, hversu ótrúlega mikilvægur þú ert sem einstaklingur. Mundu að ef þú skiptir engu máli í stóra samhenginu þá værir þú ekki hér” segir Karess og Hafdís bætir við, „Mikilvægi lífs þíns er hvorki meira né minna en mikilvægi annarra og öll hin kyngimagnaða fegurð heimsins er falin innra með okkur, mundu það!”
Samband þeirra hjóna er vægast sagt einstakt og saga þeirra eftir því. Þær sýna hvorri annarri mikla ást, bæði út á við og inn á við og hafa fengið fjölda jákvæðra skilaboða á samfélagsmiðlum frá fólki sem þykir samband þeirra fallegt og aðdáunarvert. Aðspurðar því hvernig standi á því að samband þeirra hjóna sé svo sterkt eru þær báðar staðfastar á því að besta leiðin til að vaxa og dafna í samböndum sé án efa að elska sjálfan sig, þiggja og taka sjálfan sig í sátt fyrst áður en maður opnar hjarta sitt fyrir öðrum.
„Þegar við setjum sjálf okkur ekki í fyrsta sæti og erum ekki sátt við okkur sjálf, þá myndum við sambönd á röngum forsendum. Við reynum að fylla upp í tómarúm innra með okkur sem enginn getur fyllt upp í nema við sjálf. Þegar við kynntumst höfðum við báðar gengið í gegnum löng tímabil af sjálfsuppgötvunum og lært að græða gömul sár á sálinni. Þannig þegar að við kynntumst bárum við engar væntingar til hvor annarrar og vissum að það sem myndi gerast, alveg sama hvað myndi gerast, væri hið rétta.” segir Hafdís um samband þeirra hjóna.
Heiðarleikinn er þeirra lykill að heilbrigðum og góðum samskiptum. Þær trúa því að þó leiðir þeirra hafi legið saman og þeim sé ætlað að eyða lífinu saman á enda, sé ekki hægt annað en að lifa lífinu fyrir sjálfan sig. Það er mikilvægt að sýna maka sínum, vinum og fjölskyldu þakklæti dag hvern og leyfa fólki að vaxa og dafna án þess að reyna að stjórna því eða þeirra vegferð.
„Þegar okkur lendir saman eða við rífumst þá reynum við að mætast á miðri leið með opið hjarta, opin huga og fulla heyrn. Við leynum engu og ræðum hlutina samstundis, í stað þess að vera langræknar og leyfa vandamálunum að grasserast. Það er bara ótrúlega mikilvægt að vera fullkomlega hreinskilinn þó það sé stundum asnalegt, erfitt eða geri mann berskjaldaðan.” segir Hafdís.
„Við ræðum saman eins og jafningjar og leysum úr málunum í sameiningu, með yfirveguðum samskiptum og ást í hjarta sem endar oftast á gnægð faðmlaga og kossa!” bætir Karess við, hlæjandi.
„Já, það er mikilvægt að gleyma ekki barninu í sér, leyfa sér að elska á ótal vegu og aldrei setja neinar óraunverulegar væntingar á herðar maka þíns. Við erum svo heppnar að vera hér, heppnar að eiga þetta líf saman og svo framarlega sem við munum að vera til staðar í núinu, hlusta og halda utan um hvor aðra þá eru okkur allir vegir færir” segir Hafdís og bætir við, „Ástin er gjöf og ef þú ert nógu lánsamur að búa að þeirri gjöf, þá skaltu hlúa að ástinni hvert einasta augnablik því þú ert svo ótrúlega, ótrúlega heppinn að fá að upplifa og deila lífinu með fallegri, magnaðri manneskju sem elskar þig skilyrðislaust. Vertu þakklátur fyrir það og þá gengur allt svo miklu betur!”
Eftir hugleiðslusetrið á Balí liggur leið hjónanna til Nepal.
„Okkur var boðið að taka þátt í sérstakri fimmtán daga göngu í gegnum Himalaya fjöllin og upp að grunnbúðum Everest. Þetta var í gegnum einn kennarann sem við kynntumst í La Casa Shambala á Tælandi. Gangan verður óhefðbundin að því leytinu til að við notfærum okkur jóga, hugleiðslu og pranayama-djúpöndun á göngunni og það verður örugglega magnað að ganga slíka göngu á þessum fallegu, dularfullu og heilögu slóðum” segir Karess en hún segir það lengi hafa verið draum hennar að klífa Himalayafjöllin. Þær Karess og Hafdís fá einstakt tækifæri sem nýjir jógakennarar að klífa fjöllin og kenna jóga á leiðinni ásamt fríðu föruneyti fjallgöngugarpa og jógaiðkenda.
„Þetta er gríðarlegur heiður og við erum ótrúlega spenntar að taka þátt í þessu ferðalagi með vinum okkar hjá Nepal Trekking Routes.“ segir Karess og bætir við að hún verði þó líklegast að kaupa sér góða gönguskó, enda ekki mælt með því að ganga berfættur á ísilögð fjöll.
„Ætli ég kaupi mér ekki skó til að forðast frostbitið!” segir hún hlæjandi.
Þegar ferðin tekur enda, hvenær sem það verður, vonast hjónin til þess að snú aftur til Íslands og stofna fjölskyldu. Þær búa að stórum draumum um framtíð sína saman og dreymir m.a. um að byggja saman hús, rækta stóran garð, eignast börn og seinna opna hugleiðslu- og jógasetur á Íslandi, svipað þeim setrum sem þær hafa heimsótt og koma til með að heimsækja á ferðalaginu. Boðskapurinn sem þær vilja koma á framfæri er sáraeinfaldur, elskaðu sjálfan þig og fylgdu hjartanu, lærðu að kunna að meta litlu hlutina og umfram allt skalt þú vita að þú skiptir máli.
Hægt er að fylgjast með þeim stöllum á Instagram undir notendanöfnunum @karessmedownn og @hafdislind. Hægt er að kynna sér jógaskólann La Casa Shambala hér og jógíska fjallgönguferðina hér.
Punkturinn á eftir Vaktaseríunum vinsælu er tekinn fyrir í Bíó Tvíó þætti vikunnar! Andrea og Steindór horfðu á Bjarnfreðarson frá 2009 og ræddu þá hópa sem helst áttu skilið útreið í íslenskum kvikmyndum á því herrans ári. En hvað finnst stjórnendunum loksins um Despacito? Hvar í íbúðum eiga baðkör að vera staðsett Og er hægt að horfa á myndir upp úr sjónvarpsþáttum án samhengis? Allt þetta og kvennamorð í Bíó Tvíó vikunnar!
ClubDub The Movie var frumsýnd í Sambíóunum Egilshöll í gær. Troðfullur salur skemmti sér konunglega yfir þessari frábæru heimildamynd sem lendir í Sjónvarp Símans appinu og Premium á morgun mánudag.
Ljósmyndarinn Mummi Lú var á svæðinu og tók eftirfarandi myndir.
Stutta svar okkar við þessari spurningu væri einfaldlega „hvers vegna ekki“?
En ef við tölum í fullri alvöru þá fylgir því að starfa á leikskóla margskonar jákvæður ávinningur. Fyrir það fyrsta myndum við telja leikskólastarfið eitt af þeim störfum sem mögulega gefur hvað mest af sér í ljósi þess að hver vinnudagur er einstakt ævintýri, vinnuvikan flýgur áfram á ógnarhraða auk þess sem enginn dagur í vinnunni er eins. Þá er vel er vitað og ritað að börn eru vel flest einhverjir mestu gleðigjafar sem hægt er að finna og það að starfa á leikskóla getur alið af sér ótal góðar stundir og minningar sem líklega munu lifa með okkur ævina á enda.
Það er okkar mat að það séu forréttindi í sjálfu sér að starfa á leikskóla og starfa með börnum á leikskólaaldri í leik og starfi, fylgjast með þeim þroskast, takast á við fjölbreytt verkefni, upplifa sigra, ósigra og margt fleira.
Það eitt að geta haft áhrif á nám og þroska barns á hverjum degi og geta síðar séð afrakstur vinnu sinnar, hvort sem er í námi, starfi eða í samfélaginu síðar meir er frábær tilfinning, svo ekki sé minnst á þá samvinnu við foreldra sem síðar á förnum vegi þakka manni fyrir það sem maður hefur gert fyrir barnið þeirra í leikskólanum. Það eitt að hafa haft áhrif í lífi annara til hins góða er tilfinning sem gefur leikskólastarfinu ómetanlegt gildi.
Starfið á leikskólum í dag er bæði í senn kennsla og uppeldi, því er nauðsynlegt fyrir stéttina en ekki síður karlmenn að opna á þann möguleika að sinna starfi leikskólakennara eða starfsmanna í leikskóla. Við teljum jafnframt að karlmenn hafi margt fram að færa á sviði leikskólamála meðal annars í formi fyrirmynda breyttra staðalímynda í framtíðinni, það er að leikskóli sé ekki eingöngu vinnustaður fyrir konur og fyrir vikið verður starfið fjölbreyttara ef mannauðurinn er sem fjölbreyttastur. Þar fyrir utan hafa karlmenn margt fram að færa í starfi á leikskóla í formi gæða, kennslu og uppeldis enda erum við sem dæmi margir hverjir fyrirtaks feður. Þar að auki eru karlmenn í leikskólum fyrirmyndir þeirra barna sem hafa að öðru leyti engar karlmanns fyrirmyndir í sínu lífi fyrir utan skólann.
Við teljum það að starfa í leikskólum sé fjölbreytt, skemmtilegt og áhugavert framtíðarstarf. Við skorum á sem flesta (fólk af báðum kynjum) að taka slaginn innan veggja leikskólanna og upplifa gleðina. Þetta var lengra svarið. Lifi leikskólinn!
Höfundar er tveir nemar á meistarastigi í leikskólakennarafræði við Háskólann á Akureyri. Í byrjun seinasta árs tóku þeir höndum saman og lögðu af stað með verkefnið „Járnkarlarnir“ á samfélagsmiðlunum. Járnkarlarnir eru þeir Eysteinn Sindri Elvarsson og Magnús Hilmar Felixson báðir 33 ára búsettir í Reykjanesbæ og á Dalvík. Hafa þeir einsett sér að fjölga karlmönnum innan raða leikskólakennara. Á samfélagsmiðlunum hafa þeir fjallað um leikskólastarfið frá hinum ýmsu hliðum á fjölbreyttan, lifandi og fræðandi hátt. Þá hafa þeir gefið fylgjendum innsýn í störf sín þar sem fróðleikur, og léttleiki er í fyrirrúmi. Einnig taka þeir fyrir hin ýmsu viðfangsefni sem tengjast leikskólastarfinu með það fyrir augun að vekja athygli á leikskólastarfi.
Hægt er að fylgjast með Járnkörlunum á eftirfarandi samfélagsmiðlum:
Þrátt fyrir að þessi sé nú alveg í hollari kantinum er hún algjört sælgæti. Smoothie skálar hafa verið mjög vinsælar undanfarið og hægt er að gera endalausar útfærslur af þeim. Þessi hér er algjör uppáhalds!
Hráefni:
1 banani
2 dl möndlumjólk
1 msk hnetusmjör
1 msk ósætt kakó
1 msk hlynsýróp eða goodgood sýróp
1/4 tsk vanilludropar
1 dl ísmolar
Allt blandað saman í mixer þar til blandan er er orðin silkimjúk.
Sett í skál og toppað með t.d. banana, granóla, kókosflögum og möndlum. En hér má leika sér með hráefnið og setja hvað sem er í uppáhaldi hjá ykkur.
Rapparinn Emmsjé Gauti og kærastan hans Jovana Schally eiga von á barni. Frá þessu greinir rapparinn á Instagam-síðu sinni.
Bæði eiga þau börn úr fyrri samböndum, Gauti á dótturina Stellu og Jovana á Apríl Leu. Þau Gauti og Jovana eru gömul skólasystkini en tóku saman árið 2017 og hafa síðan deilt uppeldi stelpna sinna með fyrrverandi mökum sínum. Þau deila óspart sögum og svipmyndum af fjölskyldulífi sínu á Instagram og stæra sig af því að eiga í góðum samskiptum við barnsmæður og feður, eins og nútímafjölskyldu sæmir.
Von er á barninu, sem er drengur, í sumar og tilkynnir Gauti komu rappstirnisins unga með fallegri mynd af fjölskyldunni á Instagram.
Gauti grínast með að nú verði bíllinn fullur, þegar þriðja barnið verðu komið í heiminn og spurning er hvort rapparinn knái þurfi að fjárfesta í „strumpastrætó” fyrir stóðið!
Nútíminn óskar þeim Gauta og Jovönu innilega til hamingju með drenginn!
Skipuleggjendur Secret Solstice hátíðarinnar hafa enn ekki greitt mörgum listamönnum sem komu fram á hátíðinni í fyrra. Reykjavíkurdætur eru ein af þeim hljómsveitum sem hafa ekki fengið greitt en á Twitter síðu hljómsveitarinnar greindu þær frá því að þrátt fyrir það vilji skipuleggjendur hátíðarinnar fá þær aftur í sumar. Núna þurfi þær hinsvegar að koma fram frítt.
„Secret Solstice hefur ekki borgað okkur fyrir síðasta ár, þegar þeir gáfu okkur ömurlegasta plássið. Nú eru þeir að biðja okkur um að spila aftur en í þetta skiptið FRÍTT,“ segir í tísti frá hljómsveitinni.
Secret Solstice hasn’t payed us for last year, when they gave us the shittiest slot. Now they’re asking us to play again but this time FOR FREE 😍😍 Gotta love these motherfuckers
ClubDub The Movie er komin í Sjónvarp Símans Premium og appinu. Myndin segir sögu félaganna Arons Kristins Jónassonar og Brynjars Barkarsonar sem slógu rækilega í gegn síðastliðið sumar sem raftónlistartvíeykið ClubDub með smellum á borð við Clubbed Up, Drykk 3x og Eina Sem Ég Vil.
Eftir umfangsmikið sumar, sem einkenndist af skyndilegri frægð og tónleikum út um allt land, voru drengirnir bókaðir á nánast hvert einasta busaball landsins. Aron og Brynjar sýna á sér áður óséðar hliðar er þeir rekja báðir ævisögu sína í gegnum myndina.
Í atriðinu hér að neðan rifja þeir það upp þegar þeir voru að spila í Vestmannaeyjum. Þá var lagið Þú ert að eina sem ég vil ekki komið út en samt sem áður kunnu allir tónleikagestir textann við lagið.
Víkingur Heiðar Arnórsson, framkvæmdastjóri Secret Solstice, segir að tíst Reykjavíkurdætra um tilboð frá skipuleggjendum hátíðarinnar um að koma fram frítt næsta sumar segi ekki alla söguna. Víkingur segir að hann hafi boðið hljómsveitinni að koma fram frítt í stóru plássi á undan Pussy Riot en annars hafi hann boðið þeim fund til að semja um annan möguleika.
„Reykjavíkurdætrum var boðið þann möguleika að fá frábært pláss á Solstice í ár pro bono, en ef það ekki hentaði vildi ég fá fund til að semja um annan möguleika, þar sem greiðsla væri í boði fyrir annað slot. Þær hafa kvartað yfir að hafa fengið svo slæmt slot í fyrra, og þar með yrði það leyst nú í ár,“ segir Víkingur í samtali við Nútímann.
Lögreglan á Norðurlandi eystra gaf frá sér fréttatilkynningu í dag þar sem þeir vara við óprúttnum svindlurum sem íbúar á Akureyri og víðar hafa margir hverjir tilkynnt til lögreglunnar. Frá þessu er greint á vefnum Kaffið.is.
Símtöl eru að berast fólki erlendis frá þar sem viðkomandi kynnir sig sem starfsmann Microsoft og tjáir því að gera þurfi við öryggisgalla í Windows-stýrikerfinu. Þannig ætlast þeir til að fólk fari í tölvu sína og geri við ákveðna hluti samkvæmt fyrirmælum þeirra. Markmiðið þeirra er að ná stjórn á tölvunni í glæpsamlegum tilgangi en þess má geta að Microsoft-fyrirtækið notar aldrei þá aðferð að hringja í fólk til að tilkynna og/eða gera við öryggisgalla.
Lögreglan hvetur fólk til að leggja sem fyrst á fái það símtal af þessu tagi og hlýða engu af því sem lagt er fyrir það í símtalinu.
Söngkonan Ariana Grande hefur ákveðið að koma ekki fram á Grammy tónlistarverðlaunahátíðinni eftir rifrildi við framleiðendur hátíðarinnar. Söngkonan er tilnefnd í tveimur flokkum, bestu poppplötu ársins fyrir plötuna Sweetener og í flokki besta popplagsins með smellinn God Is a Woman.
Grande hefur verið auglýst um alla Los Angeles í tenglsum við verðlaunahátíðina og birti síðast mynd af sér á æfingum fyrir hátíðina á laugardaginn en nú lítur ekki aðeins út fyrir að hún muni ekki koma fram á hátíðinni þann 10.febrúar en orðrómar eru um það að söngkonan ætli ekki sér ekki einu sinni að mæta á rauða dregilinn eða taka við verðlaunum, muni hún vinna þau.
Það er vefritið Hits sem greinir frá þessum meintu rifrildum Grande við framleiðendur hátíðarinnar, en segir þar að söngkonan neiti að koma fram nema hún fái sjálf að velja lögin sem hún syngur. Nýjasta lag söngkonunnar, 7 Rings, fellur að sögn Hits ekki í kramið hjá framleiðendunum sem vildu sjálfir fá að velja lögin í atriði Grande. Að sögn Variety, vildu framleiðendurnir að Grande tæki syrpu laga að þeirra vali en Grande var þessu ósammála enda ótækt að hún fái ekki að syngja stærsta smellinn sinn til þessa á þessari stærstu hátíð tónlistar í Hollywood.
Lagið 7 Rings nýlega met á streymisveitunni Spotify þar sem það hlaut tæplega 15 milljón hlustanir á fyrstu 24 klukkustundunum eftir útgáfu þess. Þá hefur plata hennar Sweetener og smáskífan Thank U, Next einnig slegið fjölda meta í spilun.
Fjölmiðlar vestanhafs og aðdáendur Grande hafa verið fljótir að rifja upp þegar söngkonan Lorde, sem var m.a. tilnefnd fyrir bestu plötu ársins á síðasta ári fyrir Melodrama, fékk ekki að koma fram á hátíðinni þrátt fyrir að allir karlkyns listamenn sem tilnefndir voru í sama flokki hafi fengið tækifæri til þess. Þykir þetta benda til karlrembu og ójafnréttis innan hátíðarinnar, sem Grande er að sögn fjölmiðla sjálf komin með nóg af. Grammy verðlaunahátíðin á langa sögu ósættis við kvenkynslistamenn sem þykja gjarnan hafa verið hlunnfarnar, bæði í tilnefningum, verðlaunaafhendingu og framkomu á hátíðinni.
Fulltrúar Grammy-verðlaunahátíðarinnar hafa enn ekki gefið út yfirlýsingu varðandi fráhvarf Grande þrátt fyrir þrýsting frá fjölmiðlum. Það er mikill missir fyrir hátíðina að Grande neiti að koma fram, þar sem söngkonan er ein vinsælasta poppstjarna síðustu ára og hefur nú þegar verið notuð í auglýsingaskini fyrir hátíðina. Ariana Grande farið mikinn í sviðsljósinu síðustu misseri, frá hryðjuverkaárásinni á tónleikum hennar í Manchester árið 2017, til stormasams sambands hennar við rapparann Mac Miller og trúlofunnar við grínistann Pete Davidson, sem þau slitu síðla síðasta árs eftir andlát Miller.
Það er ljóst að Ariana Grande mun skilja eftir sig stórt skarð á rauða dreglinum og á verðlaunahátíðinni sjálfri, standi hún við sniðgönguna.
Orðrómar eru um að Lady Gaga, sem hefur einnig átt stórgott ár með leiksigri sínum í A Star is Born og giftusamlegri stórsýningu í Las Vegas, muni taka við af Grande en það hefur ekki fengist staðfest.
Þær hjónin skutust fyrst upp á íslenskan stjörnuhimininn fyrir Snapchat-aðgang sinn Hinseginleikann, þar sem málefni hinsegin fólks voru tekin fyrir við stórgóðar undirtektir. Hugmyndin þróaðist síðar út í þáttaröðina Hinseginleikann sem sýnd var á RÚV í fyrra og hlaut einróma lof áhorfenda og gagnrýnenda.
Ingileif er nýlega orðin dómari í Gettu betur ásamt Vilhelm Antoni Jónssyni. María Rut starfar sem aðstoðamaður Þorgerðar Katrínar, formanns Viðreisnar. María einn son fyrir.
Stúlkurnar eru vinsælar á samfélagsmiðlum þar sem þær deila ýmsu tengdu hinseginmenningu og persónulegu lífi sínu. Þær giftu sig í fyrra sumar og vakti myllumerkið #hressbíur mikla athygli á Instagram, þar sem giftingin og veislan var sýnd nánast í beinni. Veislan sem haldin var á Flateyri var vegleg og stjörnum prýdd og samkvæmt samfélagsmiðlum skemmtu veislugestir sér konunglega.
Hjónin eru nýbúnar að festa kaup á nýrri íbúð og ekki nóg með að barn sé á leiðinni hefur fjölskyldan einnig ákveðið að fá sér hund. Það verður því líf og fjör á heimili þeirra hjóna næsta haust!
Hafþór Júlíus Björnsson, vaxtarræktarjöfur, birtist á Instagram-mynd með kólumbísku leikkonunni Sofia Vergara nú á dögunum. Þetta vakti athygli íslenskra kvenna og aðdáenda Sofiu sem hópuðu sig saman og settu ummæli undir myndina þess efnis að Hafþór Júlíus væri meintur ofbeldismaður.
Óljóst hversu margar konur tóku sig saman og settu athugasemdir þess efnis undir myndina þar sem flestum athugasemdunum hefur verið eytt, vegna bréfa sem lögfræðingur Hafþórs, Ólafur Valur Guðjónsson hefur sent á konurnar fyrir hönd skjólstæðings síns.
Það er Fréttablaðið sem greinir frá þessu fyrst en umræður um bréfsendingarnar höfðu skapast í lokuðum Facebook-hóp gegn nauðgunarmenningu á Íslandi.
Í bréfinu sem konurnar fengu sent eru þær beðnar að eyða athugasemdum sínum og „láta af framangreindri háttsemi” í framtíðinni. Í bréfinu kemur einnig fram að um ærumeiðandi aðdróttanir sé að ræða í tengslum við viðtal sem birtist í Fréttablaðinu í júní 2017. Þar var rætt við fyrrverandi kærustu og barnsmóður Hafþórs Júlíusar þar sem hún sakaði hann um ofbeldi.
Lögfræðingurinn tekur fram í bréfinu að hingað til hafi Hafþór Júlíus ekki tjáð sig um ásakanirnar en að „[Hafþór Júlíus] mun hins vegar ekki lengur sitja undir þessum ásökunum” þar sem séu „engin göng til sem styðja þær fullyrðingar og ásakanir sem þar [í umfjöllun Fréttablaðsins] koma fram”.
Í bréfinu eru konurnar varaðar við því að bregðist þær ekki við innan sjö daga gæti slíkt háttsemi varðað refsingu og jafnvel bótaskyldu. Konan, sem kemur fram undir nafnleysi, sem hafði samband við Fréttablaðið segir að hún sé sjálf búin að eyða ummælunum og segist vera að leita sér lögfræðiaðstoðar vegna málsins. Hún tekur einnig fram að nokkrar kvennanna sem fengu bréfsendinguna hafi hópað sig saman og séu að leita réttar síns í málinu. Konan tekur það fram í samtali sínu við blaðamann Fréttablaðsins að þó hún hafi eytt upprunalegum ummælum sínum sé þessi bréfsending ekki til að auka álit hennar á Hafþóri Júlíusi.
Tinna Haraldsdóttir er ein kvennanna sem fékk slíka bréfsendingu frá lögfræðingi Hafþórs Júlíusar. Hún hefur eytt upprunalegum ummælum sínum en lét önnur óræðari ummæli standa við færsluna.
„Ég skal samþykkja það að þessi fyrstu ummæli mín voru mjög beinskeytt og það eru lög í landinu gegn því, ég tek því. Á sama tíma ætla ég alls ekki að láta hræða mig í einhverja þöggun gagnvart meintum ofbeldismanni. Ég ætla ekki að eyða þessum kommentum og þegja. Ég stend alltaf með brotaþolum, meintum eða ekki.” segir Tinna í samtali við Nútímann.
Tinna, sem er meistaranemi í kynjafræði, hefur verið áberandi í femínískri baráttu sinni undanfarin ár og talar mikið um jafnrétti kynjanna, þolendaskömm og drusluskömmun á samfélagsmiðlum sínum. Hún hefur eins og áður segir eytt athugasemd sinni en leitar nú réttar síns með aðstoð lögfræðings.
„Hver sem hans réttur er til að mótmæla svona athugasemdum þá eru þessir tilburðir hans, þessi bréfsending, ekkert annað en hræðsluáróður og þöggunartaktík sem ég einfaldlega mun ekki sitja undir. Mér er frjálst að ræða það sem nú þegar hefur komið fram í fjölmiðlum og ég mun ekki þegja.” segir Tinna.
Tinna hefur nú birt yfirlýsingu á Instagram-reikningi sínum þess efnis. Þar endurbirtir hún mynd af sér úr Druslugöngunni 2018 með yfirskriftinni „Ég trúi þér”.
„Í gær fékk ég (ásamt öðrum) bréf frá lögfræðingi sem sagði mér að eyða athugasemd hér á instagram. Í athugasemdinni var vísað til meints ofbeldismanns. Manns sem hefur verið sakaður um ofbeldisfulla hegðunn og manns sem hefur verið ásakaður um ofbeldi af fyrrverandi kærustum sínum, bæði meint heimilis og kynferðisofbeldi. Okkur var sagt að ef við eyddum ekki þessum athugasemdum gætum við átt yfir höfði lögsókn. Þessi meinti ofbeldismaður er Hafþór Júlíus Björnsson, eða „Fjallið”. Hann er frægur kraftakall og leikari. Ég fjarlægði þessa athugasemd og ég mun í framtíðinni vanda mig betur þegar rætt er um meinta ofbeldismenn. Hinsvegar mun ég ekki sitja þegjandi hljóði. Ég mun aldrei hætt að trúa þolendum ofbeldis. Ég stend með ykkur. Ég trúi ykkur.” segir Tinna í Instagram færslu sinni. Hægt er að fylgja Tinnu á Instagram og Twitter undir notendanafninu @tinnaharalds.
Ég og fleiri fengum bréf frá lögmanni Hafþórs Júlíusar "Fjallsins" vegna athugasemda við mynd Sofiu Vergara sem hann var á. Ég skal taka það til mín að athugasemdin mín var beitt og gaf ekki til kynna neinn vafa. Það voru vissulega mín mistök.
„Það skiptir ekki máli hver þú ert, hversu mikið af peningum þú átt eða hversu frægur þú ert, ef þú hefur verið sakaður um ofbeldi eða sýnt ofbeldisfulla hegðun í garð fólks, mun ég ekki taka þinn málstað” bætir Tinna við. Hún segist ekki vera hrædd við Hafþór Júlíus, peninga hans og völd og þótt hún beri virðingu fyrir nafnleysi hinna kvennanna hafi hún ákveðið að taka slaginn undir nafni.
„Líklegast áttu þessar bréfsendingar að hræða okkur og þagga niður í okkur. Það virkaði ekki, sérstaklega eftir umræður síðustu ára í ljósi #metoo og Druslugöngunnar, þá vitum við betur en svo að þegja þegar við getum talað. Ég stend með þolendum, Hafþór Júlíus hefur ekki beitt mig ofbeldi persónulega en ég trúi og ég stend með þeim konum sem hafa ásakað hann opinberlega fyrir meint ofbeldi” segir Tinna og bætir því við að nú passi hún sig að tala alltaf um „meint” ofbeldi svo á henni finnist ekki höggstaður.
Óljóst er hvert framhaldið verður, nú þegar flestum upprunalegum athugasemdunum hefur verið eytt, en enn má finna nafnlausar athugasemdir við mynd Vergara.
ClubDub The Movie er komin í Sjónvarp Símans Premium og appið. Myndin segir sögu félaganna Arons Kristins Jónassonar og Brynjars Barkarsonar sem slógu rækilega í gegn síðastliðið sumar sem raftónlistartvíeykið ClubDub með smellum á borð við Clubbed Up, Drykk 3x og Eina Sem Ég Vil.
Eftir umfangsmikið sumar, sem einkenndist af skyndilegri frægð og tónleikum út um allt land, voru drengirnir bókaðir á nánast hvert einasta busaball landsins. Aron og Brynjar sýna á sér áður óséðar hliðar er þeir rekja báðir ævisögu sína í gegnum myndina.
Í atriðinu hér að neðan eru drengirnir á leið að spila á busaballi í Verslunarskóla Íslands.
Tónlistarkonan Guðrún Ýr betur þekkt sem GDRN mætti í Vikuna með Gísla Marteini í gærkvöldi og flutti þar glænýtt lag. GDRN sló í gegn á síðasta ári og sendi frá sér eina af vinsælustu plötum ársins.
„Þetta er búið að vera alveg ótrúlega gaman, maður er eiginlega bara sjálfur hissa á því hvað gengur vel en ég er búinn að leggja alveg heilmikla vinnu í þetta og það er líka bara gaman að sjá að maður uppsker það sem maður sáir,“ segir Guðrún í Vikunni.
