Einn heppinn miðahafi hlaut 1. vinning í Lottó í kvöld og byrjar árið tæplega 51 milljón ríkari. Sá heppni keypti miðann inni á lotto.is. Þá voru sex með bónusvinninginn og hlýtur hver þeirra 116 þúsund krónur en miðarnir voru keyptir á N1 Skógarseli, Leirunesti Akureyri, á lotto.is og eru þrír miðahafar í áskrift að Lottó.
Einn áskrifandi var svo með allar tölur réttar í réttri röð í Jóker og hlýtur því 1. vinning kvöldsins, 2 milljónir króna í sinn hlut. Þá voru sjö miðahafar með 2. vinning í Jóker og fær hver þeirra 100 þúsund krónur fyrir. Fjórir vinningshafanna eru í áskrift, tveir keyptu miðann á lotto.is og einn í lotto app-inu.
Source: Nútíminn